માઉન્ટ રશમોર નેશનલ મેમોરિયલ (હિન્દી:माउंट रशमोर नेशनल मेमोरियल; અંગ્રેજી:The Mount Rushmore National Memorial) એ સંયુક્ત રાજ્ય અમેરિકામાં દક્ષિણ ડાકોટા ખાતે કીસ્ટોન નજીકના ગ્રેનાઈટના પથ્થરો વડે બનેલા પર્વત પર કોતરકામ કરી બનાવવામાં આવેલ સ્મારક છે. આ સ્મારક ખાતે અમેરિકાના ભૂતપૂર્વ પ્રમુખ જ્યોર્જ વોશિંગ્ટન (ઈ. સ. ૧૭૩૨-૧૭૯૯), થોમસ જેફરસન (ઈ. સ. ૧૭૪૩-૧૮૨૬), થિયોડોર રૂઝવેલ્ટ (ઈ. સ. ૧૮૫૮-૧૯૧૯૧) અને અબ્રાહમ લિંકન (ઈ. સ. ૧૮૦૯-૧૮૬૫)ના વિશાળ કદના એટલે કે ૧૮ મીટર જેટલી ઊંચાઈ ધરાવતા ચહેરા જોવા મળે છે. આ સ્મારક નિર્માણનું કાર્ય ડૅનિશ-અમેરિકન ગટઝન બોર્ગ્લમ Gutzon Borglum (1867-1941) અને તેના પુત્ર લિન્કોલીન બોર્ગ્લમ નામના શિલ્પીઓએ કર્યું હતું આ સમગ્ર સ્મારક ૧,૨૭૮.૪૫ એકર (૨.૦૦ ચો માઈલ; ૫.૧૭ કિ.મી૨) જેટલી જગ્યામાં ફેલાયેલ છે અને દરિયાઈ સપાટી થી ૫,૭૨૫ ફુટ (૧,૭૪૫ મી) જેટલી ઊંચાઈ પર આવેલ છે.. આ સ્મારકની દેખરેખનું કાર્ય યુનાઇટેડ સ્ટેટ્સના ગૃહ વિભાગની દેખરેખ હેઠળ નેશનલ પાર્ક દ્વારા કરવામાં આવે છે. લગભગ ૨ લાખ લોકો દર વર્ષે આ સ્મારક જોવા માટે આવે છે.