ટીટીકાકા સરોવર દક્ષિણ અમેરિકામાં આવેલા પેરુ અને બોલીવિયા દેશોની સીમા પર આવેલું એક સરોવર છે. આ સરોવરની સમુદ્ર તળથી ઊંચાઈ ૩,૮૧૨ મીટર (૧૨,૫૦૦ ફીટ) જેટલી છે. , જેને કારણે તે વ્યાવસાયીક રીતે યાતાયાત કરવાના ઉપયોગમાં આવતું હોય તેવું વિશ્વનું સૌથી વધુ ઉંચાઈ પર આવેલું સરોવર છે. સરોવરમાં સંચય થયેલા પાણીની માત્રા અનુસાર આ સરોવર દક્ષિણ અમેરીકાનું સૌથી મોટું સરોવર છે.
આ સરોવરમાં બે ઉપ-ક્ષેત્ર આવેલાં છે, જે તિકીનાની સામુદ્રધુની સાથે જોડાયેલાં છે. સૌથી સાંકડા બિંદુ પર આ સામુદ્રધુનીની પહોળાઇ ૮૦૦ મી. (૨,૬૨૦ ફીટ) છે. મોટું ઉપ-ક્ષેત્ર લાગો ગ્રાંડે છે (લાગો ચુક્વિટો તરિકે પણ ઓળખાય છે), જેની સરેરાશ ઊંડાઈ ૧૩૫ મી (૪૪૩ ફીટ) છે અને મહત્તમ ઊંડાઈ છે ૨૮૪ મી (૯૩૨ ફીટ). નાનું ઉપ-ક્ષેત્ર વિનેમાર્કા છે (લાગો પેકેનો તરિકે પણ ઓળખાય છે), જેની સરેરાશ ઊંડાઈ ૯ મી. (૩૦ ફીટ) તથા મહત્તમ ઊંડાઈ ૪૦ મી (૧૩૧ ફીટ) છે. સરોવરની એકંદર સરેરાશ ઊંડાઈ ૧૦૭ મી (૩૫૧ ફીટ) છે.